SCHOOLBOOK
ინოვაცია შენი სკოლისთვის!
სქულბუქისა და ქართულ-ამერიკული უმაღლესი სკოლის მეგობრობა გრძელდება გაიგე მეტი
ლიდერი სკოლის ადმინისტრირების ელექტრონულ პროგრამებში
უბრალოდ ჰკითხეთ ჩვენს მომხმარებლებს, რატომ არის Schoolbook-ი უფრო მეტი ვიდრე სკოლის მართვის პროგრამა
უკვე რამდენიმე წელია ჩვენი კომპანია SchoolBook-ს სთავაზობს სკოლებს. უკონკურენტო პროგრამის შექმნას წინ უამრავი მოსამზადებელი სამუშაო უძღვოდა. ჩვენ შევქმენით უნაკლო სკოლის მართვის პროგრამა, რომლის შემადგენელი ყოველი რგოლი ერთად და შეთანხმებულად მუშაობს.
სკოლები შეუზღუდავად სარგებლობენ SchoolBook-ით. მსოფლიოს ნებისმიერი წერტილიდან, ნებისმიერ დროს სკოლის ადმინისტრაციას, მასწავლებლებსა და მშობლებს მუდმივად აქვთ შესაძლებლობა თვალი ადევნონ სკოლაში მიმდინარე პროცესებს.
ჩვენთან თანამშრომლობა მხოლოდ პროგრამის გამოყენებით არ შემოისაზღვრება. SchoolBook-ის მომხმარებლები მუდმივად სარგებლობენ ჩვენი პროგრამული მხარდაჭერით, უფასო ტრენინგებითა და შეუზღუდავი სამომხმარებლო სერვისებით.
შეგიძლიათ თავადაც სცადოთ და გაიგოთ, რატომაა SchoolBook-ი საქართველოში ყველაზე პოპულარული სკოლის ადმინისტრირების პროგრამა.
ჩვენი სერვისები
ყოვლისმომცველობა და ინტეგრირებულობა - ეს ის უპირატესობებია, რაც ხდის SchoolBook-ს იმაზე უფრო მეტს, ვიდრე სკოლის მართვის პროგრამას.
100 + ძირითადი ფუნქცია
პროგრამა SchoolBook-ი საშუალებას აძლევს სკოლებს გამოიყენონ მისი მაქსიმალური შესაძლებლობები. პროგრამა წარმოდგენილია 100-ზე მეტი ძირითადი ფუნქციით, რაც მისი ავტომატიზებულ რეჟიმში მუშაობის წინაპირობაა. პროგრამა ამარტივებს ინფორმაციის მიმოცვლას სკოლის ადმინისტრაციას, მასწავლებელსა და მშობელს შორის. ეს ყველაფერი კი ერთი ინტეგრირებული მონაცემთა ბაზიდან ხორციელდება.
ჩვენი მიდგომა სკოლის მართვის სისტემისადმი იმითაა გამორჩეული, რომ სკოლის რეალური ცხოვრება ტრანსფორმირებულია ელექტრონულ პლატფორმაზე, ავტომატიზებულია ყველა შიდა პროცესი. სისტემა წამიერად აღიქვამს ნებისმიერ ცვლილებას, რომელსაც სკოლა ახორციელებს და ეს ცვლილება ავტომატურად ისახება სისტემის ყველა რგოლში.
ჩვენს მომხმარებლებს არ უწევთ SchoolBook-ით სარგებლობისთვის მოდულების მიხედვით ფულის გადახდა. თქვენ იღებთ ერთიან სისტემას და იხდით მხოლოდ მის ყოველთვიურ საფასურს.
დამატებითი ღირებულების ინტეგრირებული სერვისები
SchoolBook-ი არ შემოიფარგლება მხოლოდ 100 ძირითადი ფუნქციით. ჩვენს მომხმარებლებს შეუძლიათ კიდევ უფრო გაიმარტივონ სკოლის მართვის პროცესი და დამატებითი ღირებულების სერვისებით ისარგებლონ. პროგრამაში ჩართვის მომენტიდან, სკოლა ღებულობს ერთიან სისტემას საბაზო ფუნქციებით. ახალი მოდულის დამატება, ან არსებულის განახლებული ვერსიით სარგებლობა დამატებითი ღირებულების სერვისში შედის.
გარდა ამისა, სკოლას შეუძლია ჩვენთან ერთად შექმნას საკუთარ საჭიროებებზე მორგებული სკოლის საიტი და დაზოგოს უამრავი დრო და ენერგია.
სისტემის ინსტალირება და მონაცემთა ბაზის შექმნა
SchoolBook-ი თავის მომხმარებლებს უფასოდ სთავაზობს პროგრამის დაყენებას და მონაცემთა პირველადი ბაზის შექმნას. ეს გვეხმარება მარტივად დავნერგოთ პროგრამა ყველა სკოლაში და საგრძნობლად დავაჩქაროთ მონაცემთა ბაზების შექმნის პროცესი. ამის საფუძველზე, ჩვენ შეგვიძლია თამამად განვაცხადოთ, რომ სისტემის დასანერგად საჭირო ერთწლიან საქმეს ჩვენ ოთხ კვირაში ვასრულებთ.
ტრენინგები
საკმარმარისია სკოლა ჩაერთოს SchoolBook-ში, მომხმარებლებს საშუალება აქვთ ისარგებლონ უფასო წვდომით ჩვენი კვალიფიციური ტრენერების ონლაინ ტრენინგებზე. SchoolBook-ის მომხმარებლებს ასევე შეუძლიათ SchoolBook-ის უნივერსიტეტის ფარგლებში, ნახონ სხვადასხვა გზამკვლევი, ტრენინგის ვიდეო ან ისარგებლონ ინტერაქციული კურსებით.
მომხმარებელთა მხარდაჭერის ცენტრი
ხშირია, როდესაც მომხმარებელს რაიმე სჭირდება, ან უბრალოდ შეკითხვა უჩნდება კონკრეტულ საკითხთან დაკავშირებით. ჩვენი გუნდი მუდმივად მზადაა მიიღოს თქვენი ზარები და უპასუხოს თქვენს გამოგზავნილ შეკითხვებს.
ფასები
ჩვენ ხელმისაწვდომს ვხდით SchoolBook-ს ყველა სკოლისთვის. არ აქვს მნიშვნელობა იმას, თუ რამხელაა სკოლა, ბევრი მოსწავლე ჰყავს თუ ცოტა. ტარიფი განისაზღვრება სკოლაში მოსწავლეთა რაოდენობის მიხედვით. მას შემდეგ რაც თქვენი მოსწავლეების ზუსტი რაოდენობა გვეცოდინება, დადგინდება თქვენი სკოლის ინდივიდუალური ტარიფიც.